Turkiya g‘arbida joylashgan Manisa provinsiyasidagi ko‘mir konida sodir bo‘lgan halokat natijasida 17 kishi hayotdan ko‘z yumdi. Bu haqda Euronews xabar berdi.
30 kishi qutqarilgan, 11 nafar konchi jarohat olib, shifoxonaga jo‘natilgan. Mahalliy OAVlar xabariga ko‘ra, portlash chog‘ida yer ostida 580 kishi bo‘lgan, ularning ko‘pchiligi mustaqil ravishda yer yuzasiga chiqib olgan bo‘lsa-da, turli manbalarga ko‘ra, yana 200—300 kishi xarobalar ostida qolgan.
Halokat Istanbuldan 250 kilometr janubda joylashgan Soma aholi punktida ikki kilometr chuqurlikda ro‘y berdi. Dastlabki ma’lumotlarga ko‘ra, kon qulashiga qisqa tutashuv sabab bo‘lgan. Natijada yong‘in chiqib, transformator stansiyasi portlab ketgan.
Konga kislorod yuborilmoqda, biroq qutqaruvchilarga quyuq tutun halal bermoqda.
Izoh (0)