Rossiyaning Su-24 bombardimonchi samolyoti 12-aprel kuni Qora dengizga kiritilgan AQSh HDKning “Donald Kuk” esminetsiga bir necha marta juda yaqin masofada uchib o‘tdi. Bu haqda Gazeta.ru Pentagon matbuot kotibi Stiv Uorren bergan ma’lumotga tayanib xabar qildi.
Ma’lum bo‘lishicha, samolyot “Donald Kuk” Qora dengizning shimoliy qismida bo‘lgan mahal uning ustidan 12 marta pastlab uchgan. Ayni paytda esminets Ruminiyaning Konstansa portida turibdi.
“Rossiya harbiylarining bunday g‘alamisona va noprofessional harakatlari o‘z nizomlarini, shuningdek, bizning qurolli kuchlar bilan o‘zaro bitimni ham buzadi”, — dedi Uorren.Shu bilan birga, Pentagon matbuot kotibi Rossiya Su-24’ida hech qanday qurol aniqlanmaganini ta’kidladi. Rossiya Mudofaa vazirligi hozircha bu ma’lumotga izoh bergani yo‘q.
Izoh (0)