“Chorsu” mehmonxonasi haqida 10 ta fakt (foto)

Toshkentdagi “Moskva” (Chorsu) mehmonxonasining qurilishi “Tashgiprogor” instituti loyihasi asosida, me’mor Vladimir Spivak boshchiligida olib borilgan. Qurilish jarayonida Toshkentda birinchi marta pol qoplamalarini ko‘tarish usuli qo‘llanilgan.
Mehmonxona joylashadigan hudud sifatida Chorsu maydoni tanlangan bo‘lib, u yerda Navoiy chorrahasi Beruniy chorrahasiga ulanadi. Geologlarning xulosasiga ko‘ra, tanlangan joy bunday turdagi bino qurilishi uchun yaroqsiz deb topilgan. Biroq bu muammoni hal qilish uchun bino poydevori uzun quvurlar yordamida mustahkamlangan, bu quvurlar vertikal yukni chuqurroq joylashgan zich qatlamlarga uzatgan.
Kerakli uzunlik ularning yuk ko‘taruvchanligiga emas, balki tayanch qatlamning chuqurligiga bog‘liq bo‘lgan va qurilish davomida o‘zgarib borgan. Poydevorning cho‘kish holati ustidan kuzatuvlar qurilish boshidan boshlab olib borilgan.
Mehmonxonaning ming o‘rinli tantanali ochilishi 1982-yilda bo‘lib o‘tgan.
Go‘zal va noodatiy me’moriy yechimga ega bu bino tez orada shahar timsollaridan biriga aylangan.
Binoning asosiy o‘ziga xos jihatlaridan biri — balandligi bilan bir qatorda uch burchakli burchak minoralari hisoblanadi. Ular tashqi ko‘rinishi bilan minora yoki o‘rta asrlardagi Markaziy Osiyo arxitekturasida fasad burchaklarini bezagan gul dastalarini (guldasta) eslatadi.
Sovet Ittifoqi parchalanganidan so‘ng, “Moskva” mehmonxonasiga “Chorsu” nomi berilgan.

1.Dekorativ relyef “Shamol xudolari” (“Shamollar bog‘i”) restoranning zalida joylashgan. Mazkur interyer bezagida birinchi marta SSSR miqyosida keramika va quyma rangli shisha uyg‘unligi ichki yoritish bilan birlashtirib qo‘llanilgan. Muallif — monumental san’at ustasi Aleksandr Kedrin.
2.Banket zalining bezagi rassom Abdumalik Buxorboyev tomonidan “Rus” mavzusida intarsiya texnikasida bajarilgan.
3.Rassom Azat Xabibullin ikkinchi banket zalining devorlarini vaksli rangtasvir uslubida “Toshkent” mavzusida bezagan.
4.Rassom Tolib Qosimov bino fasadining devoriga dekorativ kompozitsiya yaratgan.
5.Rassom Viktor Gan kafe vitrajlari va bir qator yoritkichlar dizaynini amalga oshirgan.
6.Mehmonxonaning yashash qismidagi mebellar Norvegiya kompaniyasi tomonidan tayyorlangan.
7.Umumiy foydalanishdagi joylar uchun mebel Yaponiya kompaniyasi “Mitsui” tomonidan ishlab chiqarilgan.
8.Mehmonxona vestibyullari va restoran zallaridagi yoritkichlar va lyustralar — Avstriyaning “Kalmar” kompaniyasi mahsuloti.
9.Mehmonxonaning sig‘imi — 1104 o‘rin. Loyihaning umumiy qiymati — 10,5 million rubl
10.Geologik jihatdan murakkab bo‘lgan hududda qurilish olib borilganligi sababli (geologlarning xulosasiga ko‘ra bu turdagi binolar uchun yaroqsiz hudud) binoning poydevori uzun quvurlar (svayalar) yordamida mustahkamlangan. Bu quvurlar vertikal yukni zichroq qatlamlarga uzatish orqali bino asosini barqaror holga keltirgan.