Farhod Mannopovning o‘limiga narkozni ko‘p berib yuborish sabab bo‘lgani aytilmoqda 

“Mitti vayn” taxallusi bilan tanilgan 27 yoshli vayner Farhod Mannopov 5-mart kuni Toshkentning Chilonzor tumanida joylashgan klinikalardan birida vafot etdi. 



Farhod Mannopov bir necha kun avval do‘stlari bilan basseynda suzayotgan paytida boshi va burnidan jarohat olgan edi. Shu sabab burnini operatsiya qildirish maqsadida klinikaga borgan. Bloger Otabek Jo‘rayevning aytishicha, uning o‘limiga narkozni ko‘p berib yuborish sabab bo‘lgan.



“Mitti vayn” jamoasining yana bir a’zosi Ulug‘bek Instagram’dagi sahifasida do‘stidan ko‘p narsa o‘rgangani haqida yozib qoldirdi.

“Hamma narsa biz o‘ylaganimizdek bo‘lmas ekan”, — deb yozadi Ulug‘bek.