Bosh prokuror Nig‘matilla Yo‘ldoshev Korrupsiyaga qarshi kurashish bo‘yicha Respublika idoralararo komissiyasining 25-dekabr, chorshanba kuni bo‘lib o‘tgan kengaytirilgan yig‘ilishida sog‘liqni saqlash sohasidagi moliyaviy qonunbuzarliklarga to‘xtalib o‘tdi.
Davlat moliyaviy nazorat departamenti tomonidan so‘nggi ikki yilda tekshirilgan 1 591 ta tibbiy muassasaning 1 311 tasi yoki 82 foizida moliyaviy qonunbuzarliklar aniqlangan.Faqat jinoyat ishlari bo‘yicha qariyb 92 milliard so‘m budjet va boshqa mablag‘lar talon-toroj qilinganligi ma’lum bo‘ldi.
Masalan, Mirzo Ulug‘bek tumani tibbiyot birlashmasi bosh hisobchisi R. hisobchi K. va g‘aznachi M. bilan jinoiy til biriktirib, mehnat shartnomasi bekor qilingan yoki homiladorlik va tug‘ish ta’tilida bo‘lgan, ya’ni amalda ishlamagan 98 nafar shaxsga soxta ma’lumotlar asosida 419 million so‘m ish haqini hisoblab, talon-toroj qilgan.
Nig‘matilla Yo‘ldoshev, bosh prokuror
Mavzuga doir:
- Prokuratura tekshiruvidan so‘ng Akusherlik va ginekologiya markazining ayrim shifokorlari maoshi 15 mln so‘mgacha oshdi
- Toshkentdagi Ginekologiya markazida o‘rta maxsus ma’lumotli buxgalter bosh hisobchilik qilgan. Uning turmush o‘rtog‘i vazirlikda ishlashi aytildi
- Toshkentdagi respublika tibbiyot markazlarda bir stavkada bir necha shifokor ishlamoqda, joylarda esa oddiy hamshira ham yetishmaydi
Izoh (0)