Озарбайжон Ўзбекистонга 50 минг доза AstraZeneca вакцинасини юборди
Озарбайжон элчихонаси кўмаги билан COVAX глобал ташаббусига кўра Озарбайжон учун мўжалланган 50 минг доза вакцина Тошкентга келтирилди.
«Вакциналар шошилинч тарзда ҳаммага адолатли равишда етказиб берилмас экан, дунё COVID-19 вирусининг мутациялари хавфи остида қолаверади», — дейилади хабарда.
«Gazeta.uz»нинг ёзишича, юборилган вакциналар AstraZeneca компанияси томонидан ишлаб чиқарилган. Таъкидлаш керакки, ҳозирда Озарбайжонда CoronaVac, AstraZeneca ва «Спутник V» вакциналаридан фойдаланишга рухсат берилган.
Эслатиб ўтамиз, 17 март куни AstraZenecaвакцинасининг илк 660 минг дозаси Ўзбекистонга олиб келинган эди. Шундай қилиб, Ўзбекистонда жами вакцина захираси 7 миллион 580 минг дозага етди.
Аввалроқ август ойида «Спутник V» вакцинасидан 160 минг доза ҳамда август–сентябрь ойларида COVAX дастури доирасида яна 660 минг доза (AstraZeneca ёки Moderna) вакциналари олиб келиниши кутилаётгани тўғрисида хабар берилганди.