Юрак хуружи аёллар учун эркакларникига қараганда кўпроқ хавфлидир, чунки аёллар кейинчалик ҳам ёрдамга муҳтожлик сезади. Шунингдек, аёлларда юз берадиган юрак хуружи эркакларникидан бироз фарқли ҳамдир. Одатда юрак хуружининг белгиси кўкрак қафасдаги оғриқнинг қўл ва белга тарқалиши билан белгиланади. Аммо айрим «зарарсиз» аломатлар ҳам аёлларни юрак хуружидан огоҳлантиради.
Кўкрак қафасида оғриқ ёки санчиш
Бу юрак хуружининг энг кенг тарқалган аломати бўлиб, у эркак ва аёлда турлича намоён бўлиши бўлишини унутмаслик керак. Аёллар кўкракни санчиши ёки ичкаридан кенгайишини сезиши мумкин. Шунингдек, оғриқ айнан чап томонда бўлиши шарт эмас, у кўкрак қафаснинг исталган жойида кузатилиши мумкин.
Қўл, бел, бўйин ёки жағ оғриғи
Ушбу аломатлар аёллар орасида анча кенг тарқалган. Оғриқ аста-секин бошланиши ёки тўсатдан пайдо бўлиши ва пасайиб, яна кучли такрорланиши мумкин. Айнан жойидан қатъи назар кутилмаган оғриқ юз берса, шифокорга мурожаат қилиш тавсия этилади.
Қорин соҳасида оғриқ
Кўпинча одамлар юрак хуружидан огоҳлантирувчи ошқозон билан боғлиқ оғриқларни гастрит ёки ошқозон яраси деб хато қилади. Яна бир ноаниқ аломатлардан бири шуки, ошқозонда катта ва оғир босим ҳисси пайдо бўлади. Албатта, бу аломат шифокор билан маслаҳатлашиш учун етарли сабаб ҳисобланади.
Нафас қисилиши ва кўнгил айниши
Тўсатдан ҳеч қандай сабабсиз нафас олишда қийинчилик пайдо бўлса, албатта, кардиологга мурожаат қилиш зарур. Айниқса, нафас қисилиши юқоридаги аломатлар билан бирга кечса. Бир неча кун давомида ўтиб кетмаётган кўнгил айниши ҳам юрак хуружининг аломати бўлиши мумкин.
Терлашнинг кўпайиши
Совуқ ҳамда кўп терлаш ҳам юрак хуружидан огоҳлантирув бўлиши мумкин. Айниқса, бу жисмоний машғулотларникидан фарқ қилса. Стресс ёки ҳеч қандай сабабсиз ҳам кўп терлаш юрак хуружининг навбатдаги сезиларсиз белгиси бўлиши мумкин.
Чарчоқ
Юрак хуружини бошдан кечирган кўплаб аёллар дастлаб ҳеч қандай сабабсиз қаттиқ чарчаган. Бундан ташқари, беморда ҳаракат ва тинч ҳолатида ҳам чарчоқ пайдо бўлади. Шунинг учун ҳар қандай бемор кучли чарчоқнинг аниқ сабабини топа олмаса, шифокор билан маслаҳатлашиши зарур.