«Барселона» матбуот хизмати YouTube порталидаги обуначилар сони бўйича футбол клублари рейтингини эълон қилди.
Видеохостингда каталон клуби обуначилари сони 10 миллионга етди. Бу футбол оламидаги энг рекорд натижа ҳисобланади. Иккинчи ўриндан «Реал» (5,93 миллион обуначи) ўрин олган бўлса, кучли учликни Бразилиянинг «Фламенго» жамоаси якунлаб берган (5,55 млн).
Спорт оламида эса фақат NBA расмий канали «Барселона»дан кўпроқ обуначига эга. АҚШ баскетбол лигаси каналини 14,8 миллион обуначи кузатиб боради.
Яқин орада YouTube 10 миллионлик довонни забт этган каталонларга Diamond Creator Award нишонини топширади.
Маълумотларга кўра, «Барселона»нинг энг кўп обуначилари АҚШ, Испания, Бразилия, Индонезия ва Мексикага тўғри келади.
YouTube порталида энг кўп обуначига эга футбол клублари ўнлиги:
1. «Барселона» — 10 миллион обуначи
2. «Реал» — 5,93 млн
3. «Фламенго» — 5,55 млн
4. «Ливерпуль» — 4,98 млн
5. «Манчестер Юнайтед» — 3,21 млн
6. «Ювентус» — 2,88 млн
7. «Манчестер Сити» — 2,72 млн
8. ПСЖ — 2,56 млн
9. «Челси» — 2,1 млн
10. «Арсенал» — 1,96 млн
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!