ОПЕК жамғармаси Наманган вилоятида сув таъминотини ривожлантиришни молиялаштиради, деб хабар беради Norma.
Лойиҳа ТИАнинг асосий техник-иқтисодий параметрлари Вазирлар Маҳкамасининг 2019 йил 5 сентябрдаги 739-сон қарори билан тасдиқланган.
Минтақанинг сув таъминотини яхшилаш бўйича беш йиллик (2020—2025 йиллар) лойиҳа Заркент, Ходикент, Исқовот, Булоқбоши, Ёшлик шаҳарчалари ва Наманган шаҳрини қамраб олади.
Умумий қиймати — 68,05 миллион АҚШ доллари. Ундан 53,96 миллион доллар — ОПЕК халқаро тараққиёт жамғармасининг 5 йиллик имтиёзли даврни ўз ичига олган 20 йил муддатга берилган қарзи. Эквивалентда 14,09 миллион доллар — Ўзбекистоннинг солиқ ва божхона имтиёзлари бериш, шунингдек, инвестиция даврида молиявий чиқимларни тўлаш тарзидаги ҳиссаси.
Уй-жой коммунал хизмат кўрсатиш вазирлиги ҳузуридаги «Коммунхизмат» агентлиги лойиҳа амалга оширилиши, хорижий қарз маблағларидан мақсадли ва самарали фойдаланилиши учун масъул бўлган ижро этувчи орган ҳисобланади.
Ҳужжат қонун ҳужжатлари маълумотлари миллий базасида эълон қилинган ва 5 сентябрдан кучга кирди.