Россия президенти Владимир Путин АҚШ президенти Дональд Трампнинг КХДР раҳбари Ким Чен Ин билан учрашиш қарорини мардлик деб атади. Бу ҳақда Путин Хитой медиакорпорациясига берган интервьюсида айтиб ўтди, деб ёзади «Газета.ru».
«Умид қиламанки, АҚШ президенти Дональд Трамп Шимолий Корея етакчиси Ким Чен Ин билан тўғридан-тўғри мулоқотга киришиш ҳақида қабул қилган шубҳасиз, жуда мардона ва пишиқ қарор, бу учрашув амалга ошади, барчамиз бу учрашувдан ижобий натижалар кутиб қоламиз», — деди Путин.
Аввалроқ Оқ уй вакили Сара Сандерс АҚШ президенти Дональд Трамп ва Шимолий Корея етакчиси Ким Чен Иннинг учрашуви Сингапур вақти билан 9:00 (Тошкент вақти билан 6:00)га белгиланганини маълум қилган эди.