Ҳарбий тўнтариш тарафдорлари Мармара денгизининг жанубий қирғоғидаги Гелжюк базасида Туркия ҳарбий-денгиз флоти фрегатини эгаллади. Шунингдек, турк флоти қўмондони ҳам гаровга олинган. Бу ҳақда Греция армиясидаги юқори мартабали манбага таяниб, Reuters маълум қилди, дея хабар беради «РБК».
Proto Thema нашрига кўра, F-240 TCG Yavuz қўлга олинган. Мазкур фрегат кемага қарши Harpoon ракеталари билан жиҳозлангани билдирилмоқда.
Олдинроқ расмийлар ҳарбий тўнтаришда иштирок этганликда гумон қилиб, турк флоти контр-адмирали Нажот Атиллани ҳибсга олганди.
Эслатиб ўтамиз, 16 июлга ўтар кечаси Туркияда ҳарбий тўнтаришни амалга оширишга уринишда 200 га яқин киши ҳалок бўлди, 2800 дан ортиқ ҳарбий ҳибсга олинди.