12 июль, шанба куни Ерда «супер Ой» кузатилади, дея хабар бермоқда «Моя планета» нашри.
Ушбу космик ҳодисада Ой одатдагидан 14 фоизга каттароқ ва 30 фоизга ёрқинроқ кўринади. Бу тўлин ой ёки янги ойнинг Ой ва Ернинг бир-бирига энг яқин келган пайтига тўғри келиши билан боғлиқ.
«Супер Ой» ҳар йили кузатилавермайди, шу билан бирга бир йил ичида бир неча марта ҳам содир бўлиши мумкин. Масалан 2014 йилда бундай ҳодисага беш марта гувоҳ бўлиш мумкин: январь ойида икки марта «супер Ой» кузатилган, қолган учта ҳодисани 12 июль, 10 август ва 9 сентябрь кунлари кўриш мумкин бўлади.
Изоҳ (0)