Zamonaviy biznesning shiddatli surʼatida ishonchli va samarali vosita bu shunchaki istak emas, balki zaruriyatdir. Kichik va o‘rta biznes uchun maxsus yaratilgan ASUS ExpertBook B5 nafis dizayn, kuchaytirilgan konstruksiya, yuqori maʼlumotlar xavfsizligi, AT infratuzilmasini boshqarish uchun keng imkoniyatlar, sunʼiy intellektni qo‘llab-quvvatlash va kengaytirilgan ishlash imkoniyatlarini birlashtiradi.
2024-yilgi ExpertBook B5 ikkita yangi modelda taqdim etiladi — B5404 va B5604 — mos ravishda 14 va 16 dyuymli ekranga ega.
Bir qurilmada mobillik va funksionallik
Pat kabi yengil va qoyadek mustahkam — ExpertBook B5 ni shunday tavsiflash mumkin. Og‘irligi atigi 1,29 kg va qalinligi 1,89 bo‘lgan ushbu o‘ta nozik noutbuk sizni istalgan joyda hamroh bo‘lishga tayyor. Uning yaxlit metall korpusi nafaqat qurilmaga nafis ko‘rinish beradi, balki uni kundalik sinovlardan himoya qiladi. Akkumulyator 18 soatgacha zaryadsiz ishlay oladi va foydalanuvchi butun ish kuni davomida tanaffussiz ishlay oladi.
ExpertBook B5 — bu haqiqiy imkoniyatlar xabi. Thunderbolt 4 (USB-C) bir juft universal portlar va zamonaviy HDMI 2.1 video chiqishi bilan jihozlangan, u deyarli har qanday periferiya qurilmasini ulashi mumkin. Smart-karta skaneri va nano-SIM sloti ko‘rinishidagi qo‘shimcha funksiyalar esa uni biznes-vazifalarni hal qilish uchun yanada moslashuvchan vositaga aylantiradi.
Ishlab chiqaruvchi ExpertBook B5 ni ergonomika va sovutishni yaxshilagan holda korpusning orqa qismini bir necha darajaga ko‘taradigan ErgoLift sharniri bilan jihozladi. Ekranni 180°ga ochish noutbukdan turli rejimlarda: hamkasblar bilan mitingda, mijozga taqdimot o‘tkazishda va yakka tartibda ishlashda foydalanish imkonini beradi.
Doimiy ish uchun hisoblangan unumdorlik
Noutbukning yuragi — sunʼiy intellektga moslashtirilgan Intel Core Ultra 7ʼgacha bo‘lgan kuchli protsessor bo‘lib, u Intel AI Boost neyron protsessori bilan jihozlangan. Bunday ichki tuzilish hatto murakkab vazifalar uchun ham juda mos keladi. Masalan, Photoshopʼda maketni tahrirlash, ko‘plab ishchi dasturlar bilan bir vaqtda ishlash yoki katta hajmdagi maʼlumotlarni qayta ishlash kabi ishlarni bajarish mumkin.
Talabchan ilovalarning bir maromda ishlashini taʼminlash uchun ExpertBook B5 64 gigabaytgacha bo‘lgan tezkor DDR5 operativ xotirasi va 1 TB hajmdagi yuqori tezlikli SSD-to‘plagich bilan jihozlangan. Ikkita SO-DIMM slotining mavjudligi esa, agar kerak bo‘lsa, kelajakda operativ xotira hajmini osongina oshirishga yordam beradi.
Axborot xavfsizligiga kompleks yondashuv
Axborot juda katta qiymatga ega bo‘lgan zamonaviy dunyoda maʼlumotlar xavfsizligi ustuvor vazifaga aylanmoqda. ExpertBook B5 noutbuki egasining maʼlumotlarini favqulodda maxfiy saqlashga qaratilgan himoya choralari majmuasi bilan jihozlangan.
Shunday qilib, ko‘p faktorli autentifikatsiya tizimga kirishni ishonchli himoyalashga yordam beradi, barmoq izlari skaneri tez va qulay kirishni taʼminlaydi. Infraqizil kamera esa Windows Hello funksiyasi bilan birgalikda yanada xavfsiz avtorizatsiya qilish uchun yuz tanib olishdan foydalanish imkonini beradi. Himoya tizimining yana bir muhim qismi TPM 2.0 kriptoprotsessori bo‘lib, u maʼlumotlarni apparatli shifrlashni taʼminlaydi, bu esa qurilmaga jismoniy kirish holatida ham ularni buzg‘unchilar uchun imkonsiz qiladi.
ASUS Business bilan samarali boshqaruv
ASUS korporativ qurilmalarni samarali boshqarish uchun kompleks yechimni taklif qiladi. Mahsulotlar qatori, jumladan noutbuklar, serverlar va ish stansiyalari markazlashtirilgan boshqaruv va xavfsizlikni taʼminlash uchun kuchli dasturiy vositalar bilan to‘ldiriladi.
ASUS Business Manager — bu kichik kompaniyalar uchun maqbul yechim bo‘lib, AT infratuzilmasini boshqarishni osonlashtiradi. Uning yordamida maʼlumotlarga kirishni cheklash, xavfsizlik parametrlarini sozlash va maxfiy maʼlumotlarni saqlash uchun shifrlangan bo‘limlarni yaratish mumkin.
Yirik tashkilotlar uchun ASUS Control Center kengroq imkoniyatlarni taklif etadi. Ushbu vosita tarmoqdagi barcha qurilmalarning holatini kuzatish, yangilanishlarni markazlashgan holda o‘rnatish va maʼlumotlar xavfsizligini taʼminlashga yordam beradi.
ASUS Cloud Recovery esa qurilmalarning barqaror va xavfsiz ishlashini taʼminlab, zarur hollarda tizimning zavod sozlamalarini tezda tiklash imkonini beradi.
Ushbu vositalar birgalikda ekotizimni yaratadi, uning yordamida quyidagilarni amalga oshirish mumkin:
- AT infratuzilmasini boshqarishni soddalashtirish: barcha qurilmalar sozlamalarini markazlashgan holda boshqarish, muntazam vazifalarni avtomatlashtirish;
- maʼlumotlar xavfsizligini oshirish: maʼlumotlarni ruxsatsiz kirishdan himoya qilish, resurslarga kirishni cheklash va shifrlangan bo‘limlarni yaratish;
- yuqori unumdorlikni taʼminlash: maksimal unumdorlikka erishish uchun tizim sozlamalarini optimallashtirish;
- xizmat ko‘rsatish xarajatlarini kamaytirish: kundalik vazifalarni avtomatlashtirish va nosozliklarni bartaraf etish vaqtini qisqartirish.
ASUS biznes-vazifalarini hal qilishda kompleks yondashuvni taqdim etadi. Korporativ mijozlarga kompaniya mahsulot va xizmatlarning keng assortimentini, jumladan, moslashuvchan kafolat dasturlari va individual konfiguratsiyalarni yaratish imkoniyatini taklif etadi. Mutaxassislar maqbul yechimni tanlashga yordam beradi va hamkorlikning barcha bosqichlarida professional qo‘llab-quvvatlashni taʼminlaydi.
ASUS ExpertBook B5 ni O‘zbekiston elektronika do‘konlaridan xarid qilish yoki ASUS kompaniyasining rasmiy hamkorlaridan buyurtma berish mumkin.
Reklama huquqlari asosida.
Izoh (0)