Afg‘onistonning shimoliy qismida yuz bergan suv toshqini oqibatida kamida 31 kishi qurbon bo‘ldi. Bu haqda, Khaama Press ma’lumotiga tayanib, “RIA Novosti” xabar berdi.
17-aprel, yakshanba kuni kechasi yoqqan jala Afg‘oniston shimolidagi Bag‘lon, Samangan, Tohar va Bagdis viloyatlarida kutilmagan suv toshqinini keltirib chiqardi.
Agentlikning ma’lum qilishicha, yog‘ingarchilik mamlakatning markaziy qismidagi Daykundi viloyatida asosiy yo‘nalishlardagi transport qatnovini ham izdan chiqargan.
Jabrlanganlar va bedarak yo‘qolganlar borligi haqida ma’lum qilingan, biroq agentlik ularning aniq sonini keltirmagan.
Izoh (0)