Futbol bo‘yicha Angliya Premyer-ligasining 34-turi “Norvich” — “Sanderlend” o‘yini bilan start oldi.
Har ikki klub elitada jon saqlab qolish uchun kurash olib boryapti. Mazkur turga qadar “Norvich” 31, “Sanderlend” 27 ochkoga ega edi.
Tomonlarning o‘zaro o‘yinida safarda to‘p surishiga qaramay “Sanderlend” yirik hisobda zafar quchdi. Mavsumning 2-turida “Norvich” raqibi maydonida 3:1 hisobida muvaffaqiyat qozongandi.
Mazkur mag‘lubiyat “Norvich” uchun qimmatga tushishi mumkin. Aleks Nil jamoasi bu mavsum liga debyutanti hisoblanadi. Endilikda “Norvich” ta’qibchisi hisoblangan “Sanderlend”dan bor-yo‘g‘i 1 ochko farqi bilan oldinda hamda 17-o‘rinni egallab turibdi.
“Norvich” navbatdagi turni 30-aprel kuni Londonda “Arsenal”ga qarshi o‘tkazadi. Sem Ellardays boshqaruvidagi “Sanderlend” esa “Arsenal” bilan 24-aprel kuni o‘z maydonida to‘qnash keladi.
Angliya Premyer-ligasi 34-tur bellashuvlari 16-aprel, shanba
“Norvich” — “Sanderlend” 0:3 (0:1)
Gollar: Fabio Borini, 41-pen (0:1). Jermeyn Defo, 53 (0:2). Dankan Uotmor, 90+1 (0:3).“Manchester Yunayted” — “Aston Villa”“Everton” — “Sauthempton”“Nyukasl” — “Suonsi”“Vest Bromvich” — “Uotford”“Chelsi” — “Manchester Siti”
17-aprel, yakshanba“Bornmut” — “Liverpul”“Lester” — “Vest Hem”“Arsenal” — “Kristal Pelas”
18-aprel, dushanba“Stok Siti” — “Tottenhem”
Izoh (0)