Rossiya prezidenti Vladimir Putin mamlakatning birinchi xonimini qachon tanishtirishi haqidagi savolga javoban bir kun kelib fuqarolarning ushbu masaladagi qiziqishlarini qanoatlantirishi mumkinligini ma’lum qildi. Bu haqda “RIA Novosti” xabar berdi.
Gatchinalik Aleksandra Kozlova Rossiya prezidenti bilan to‘g‘ridan-to‘g‘ri efir chog‘ida yaqinda gazetalarda Lyudmila Aleksandrovna turmushga chiqqanligi haqida yozilganligini ta’kidlab o‘tdi va Putin mamlakatning birinchi xonimini qachon tanishtirishini so‘radi.
“Odamlar Davlat dumasiga deputatlarni va prezidentni ular ishlashi uchun saylaydi. Siz aytib o‘tgan narsalar esa shaxsiy hayotga taalluqlidir. Ular ham kishilar uchun qiziqarli, men bunga allaqachon ko‘nikkanman, lekin bu birinchi darajadagi muhim narsalar emas. Balki qachondir sizning qiziqishlaringizga javob qaytarishim mumkin”, — deb javob berdi Putin.
Izoh (0)