Yevropa futbol uyushmalari ittifoqi (UEFA) futbol bo‘yicha 2016-yilgi Yevropa chempionatining (Yevro–2016) o‘yinlariga tashrif buyurishni rejalashtirayotgan muxlislarga chiptalar suratini ijtimoiy tarmoqlarga joylashtirmaslikka chaqirdi, deb xabar beradi “Bigmir.net”.

Foto: “Bigmir.net” /> Foto: “Bigmir.net”

Xabar qilinishicha, qalloblar ushbu suratlardan foydalanib, chiptalarni qalbakilashtirishi mumkin. “Yevro–2016 turniri chiptalarini ijtimoiy tarmoqlarga joylashtirayotgan muxlislar xavf ostida. Ularning chiptalari qalbakilashtirilishi va buning oqibatida ular o‘yinga kiritilmasligi mumkin”, – deyiladi UEFA murojaatida. Ma’lumot uchun, Yevro–2016 uchrashuvlari Fransiyaning Parij, Sen-Deni, Marsel, Lion, Lill, Bordo, Tuluza, Lans, Sent-Etyen va Nitssa shaharlarida, 10-iyundan 10-iyulga qadar bo‘lib o‘tadi.