Barnauldagi “Lesnaya skazka” hayvonot bog‘ida 10-aprel, yakshanba kuni kechqurun yo‘lbars 13 yoshli qizga hujum qildi. Bu haqda hayvonot bog‘i direktori Sergey Pisaryevning ma’lumotiga tayanib, “RIA Novosti” xabar beradi.
Uning so‘zlariga qaraganda, 13 va 14 yoshli ikki qiz kechqurun yopiq hayvonot bog‘i hududiga kirgan.
“Ular hayvonot bog‘iga kirganligini loy yo‘lni aylanib o‘tmoqchiligi bilan izohladi. Aylanib o‘tish to‘qqiz yoshli yo‘lbarsning volyeri oldida yakuniga yetgan. O‘smir qizlar volyerni taqillatib, qichqirgan. Yirtqich dastlab ulardan birining kurtkasini ushlab olgan, keyin qizlardan birining oyog‘idan torta boshlagan. Biroq qafas panjaralari ensiz bo‘lganligi uchun hayvon uni o‘ziga torta olmagan. U bola oyog‘idagi mushaklarni uzib yuborgan”, — deydi Pisaryev.
Ikkinchi qizning baqirganini eshitib yetib kelgan qo‘riqchi FVV xodimlari, shifokorlar va politsiyani chaqirgan. Jabrlangan qiz shifoxonaga yetkazilgan, unda jarrohlik amaliyoti o‘tkazilgan. Hozirda uning hayotiga hech qanday xavf yo‘q.
Izoh (0)