Angliyaning “Manchester Yunayted” jamoasi joriy mavsum yakunida mamlakat chempionatida to‘rtinchi o‘rindan past natijani qayd etib, shu orqali Yevropa Chempionlar Ligasi turniriga yo‘l ola bilmasa, klub rahbariyati maosh fondini 14 million funt sterlingga qisqartiradi. Bu haqda The Times’ga tayangan holda “TASS” xabar bermoqda.
Shu tariqa, har bir futbolchining yillik maoshi o‘rtacha 500 ming funt sterlingga qisqarishi mumkin.
Qayd etish joiz, “Manchester Yunayted” jamoasi Angliya Premyer-ligasida 31 uchrashuv o‘tkazib, 53 ochko bilan beshinchi pog‘onani egallab turibdi. Yevropa Chempionlar Ligasiga yo‘llanma beruvchi to‘rtinchi o‘rindan “MYu”ni 4 ochko ajratib turibdi. Ushbu o‘rinni 32 o‘yindan so‘ng 57 ochko jamg‘argan “Manchester Siti” klubi egallab turibdi.
Izoh (0)