YeChL. “Real” Germaniyada mag‘lub bo‘ldi, “PSJ” Parijda “Manchester Siti”ni yenga olmadi

Futbol bo‘yicha Yevropa Chempionlar Ligasida chorak finalning yana ikki o‘yini o‘z yakuniga yetdi.

Ispaniya La Ligasining so‘nggi turida “Barselona” ustidan zafar quchgan Madridning “Real” klubi, YeChL chorak finalida Germaniya Bundesligasida 8-o‘rinni egallab turgan “Volfsburg”dan yengildi. 2 ta gol farqi bilan ortda borayotgan “Real” faqatgina bir marta — 2004-yil “Roma”ga qarshi o‘yinda kambek qila olgandi. 6-aprel kuni Madrid jamoasi buning uddasidan chiqa olmadi.

UYeFAning ikki eng boy klubi sifatida e’tirof etiladigan “PSJ” — “Manchester Siti” to‘qnashuvida esa g‘olib jamoa aniqlanmadi. Qayd etish kerak, uchrashuvda Zlatan Ibrahimovich penaltini aniq amalga oshira olmadi.

Yevropa Chempionlar Ligasi chorak finalining javob o‘yinlari 12—13-aprel kunlari bo‘lib o‘tadi.

Yevropa Chempionlar Ligasi Chorak final uchrashuvi 6-aprel, chorshanba

“PSJ” (Fransiya) — “Manchester Siti” (Angliya) 2:2

Gollar: Kevin de Bryune, 38 (0:1). Zlatan Ibrahimovich, 41 (1:1). Adriyen Rabyo, 59 (2:1). Fernandinyo, 72 (2:2).Noaniq penalti: Zlatan Ibrahimovich, 14 (P).Ogohlantirish: David Luis, 1 (P). Gael Klishi, 11 (S). Fernando, 36 (M). Blez Matyudi, 48 (P). Xesus Navas, 85 (M).“PSJ”: Kevin Trapp, Tyago Silva, Tyago Motta, Edinson Kavani, Zlatan Ibrahimovich, Anxel Di Mariya, Blez Matyudi, Maksvell, Serj Orye (Gregori Van Der Vil, 78), Adriyen Rabyo (Lukas, 78), David Luis.“Manchester Siti”: Jo Xart, Bakari Sanya, Fernando, Serxio Aguero (Aleksandr Kolarov, 90+1), Xesus Navas, Kevin de Bryune (Fabian Delf, 77), Elyakim Mangalya, David Silva (Uilfrid Boni, 88), Gael Klishi, Fernandinyo, Nikolas Otamendi.

“Volfsburg” (Germaniya) — “Real Madrid” (Ispaniya) 2:0

Gollar: Rikardo Rodriges, 18-pen (1:0). Maksimilian Arnold, 25 (2:0).Ogohlantirish: Vieyrinya, 19 (V). Diyego Benalyo, 53 (V). Luis Gustavo, 61 (V). Beyl, 69 (R). Maksimilian Arnold, 69 (V).“Volfsburg”: Diyego Benalyo, Vieyrinya, Yulian Draksler (Marsel Shefer, 90), Bruno Enrike (Kristian Tresh, 80), Andre Shyurrle (Maks Kruze, 85), Dante, Luis Gustavo, Joshua Gilyavogi, Naldo, Maksimilian Arnold, Rikardo Rodriges.“Real Madrid”: Keylor Navas, Pepe, Serxio Ramos, Krishtianu Ronaldu, Toni Kroos (Xames Rodriges, 85), Karim Benzema (Xese, 41), Garet Beyl, Marselo, Kazemiro, Luka Modrich (Isko, 64), Danilo.

• YeChL. “Barselona” va “Bavariya” chorak finalning dastlabki uchrashuvlarida kichik hisobda zafar quchdi