Amerikalik ayol bir necha yil avval halok bo‘lgan o‘g‘lining yurak urishini eshitdi. Bu haqda The Telegraph xabar bermoqda.
Liza Suonsonning 18 yoshli o‘g‘li Levi 2012-yil dekabrida avtohalokatda nobud bo‘lgandi. Bir necha kundan so‘ng uning yuragi kardiomiopatiyadan aziyat chekkan 64 yoshli Terri Xuperga qo‘yiladi.
Shu yil aprel oyida Liza Nebraska shtatining Omaxa shahridagi tibbiyot markazida Terri bilan uchrashdi va o‘g‘lining yuragi urishini eshitdi. Xuper ayolni Levining rasmi tushirilgan futbolkada qarshi oldi.
“Mamnunlik va musibat hislari qurshovida qoldim. O‘g‘lim yonimda yo‘qligidan ezilaman, shu bilan birga, u Terriga yordam berolganidan xursand bo‘laman”, — deydi Liza Suonson.
Izoh (0)