Futbol bo‘yicha Osiyo Chempionlar Ligasining “C” guruhida ishtirok etayotgan Toshkentning “Paxtakor” klubi navbatdagi mag‘lubiyatini qabul qilib oldi. Eronda “Traktorsozi” mehmoni bo‘lgan O‘zbekistonning amaldagi chempioni 0:2 hisobida imkoniyatni boy berdi.
4 ta o‘yinda ishtirok etgan “Paxtakor” 4 ochko bilan guruhning uchinchi jamoasi bo‘lib turibdi. Kunning ikkinchi o‘yini “Al-Hilol” va “Al-Jazira” o‘rtasida Toshkent vaqti bilan 22:45 da boshlanadi.
Safar o‘yinlarida birorta ham ochko ishlay olmagan “Paxtakor” navbatdagi ikki turni BAAning “Al-Jazira” klubiga qarshi o‘tkazadi.
Osiyo Chempionlar Ligasi 4-tur bellashuvlari 6-aprel, chorshanba
“Traktorsozi” (Eron) — “Paxtakor” (O‘zbekiston) 2:0
Gollar: Augusto Sezar, 59 (1:0). Said Og‘aiy, 83 (2:0).Ogohlantirishlar: Akbar Ismatullayev, 30 (P). Augusto Sezar, 42 (T). Azim Ahmedov, 56 (P). Said Og‘aiy, 65 (T).“Traktorsozi”: Muhammadrizo Akbariy, Muhammad Iranpuriyon, Shojai Halilzoda, Karlos Kardoso, Sino Ashuriy, Shahin Sohibiy (Surush Rafeiy, 46), Baxtiyor Rahmoniy, Augusto Sezar (Xolid Shofeiy, 82), Farzad Hotamiy, Mehdi Kioniy, Said Og‘aiy.“Paxtakor”: Nikita Ribkin, Adnan Oraxovats, Akbar Ismatullayev, Azim Ahmedov, Sherzod Karimov, Jaloliddin Masharipov, Igor Sergeyev, Javohir Sohibov, Kamoliddin Tojiyev, Davron Hoshimov, Vladimir Kozak (Jamshid Boltaboyev, 85).| O‘ | Jamoa | O‘ | G‘ | D | M | T/N | O |
| 1 | “Traktorsozi” | 4 | 3 | 0 | 1 | 6:1 | 9 |
| 2 | “Al-Hilol” | 3 | 1 | 2 | 0 | 7:4 | 5 |
| 3 | “Paxtakor” | 4 | 1 | 1 | 2 | 4:7 | 4 |
| 4 | “Al-Jazira” | 3 | 0 | 1 | 2 | 1:6 | 1 |
Izoh (0)