Ozarbayjon qurolli kuchlari 2-aprel, shanbaga o‘tar kechasi Tog‘li Qorabog‘ mojarosi hududidagi janubiy, janubi-sharqiy va shimoli-sharqiy yo‘nalishlarda artilleriya, zirhli texnika va aviatsiyadan foydalanib, hujumkor harakatlarga qo‘l urdi. Bu haqda tan olinmagan Tog‘li Qorabog‘ Respublikasi Mudofaa vazirligi matbuot xizmati ma’lum qildi, deya xabar beradi “Interfaks”.
“Shiddatli to‘qnashuvlar ketmoqda. Ozarbayjon tomoni ko‘plab harbiy xizmatchi va texnika yo‘qotgan, ularga tegishli vertolyot urib tushirilgan”, — deya ma’lum qilgan Armaniston mudofaa vazirligidagi manba.
Tog‘li Qorabog‘ Mudofaa vazirligida ta’kidlanishicha, tutashuv chizig‘idagi janglardan tashqari, qo‘shni tomon harbiy qismlar joylashgan manzillar va aholi punktlariga artilleriya zarbalari bergan.
Izoh (0)