Futbol bo‘yicha Angliya Premyer-ligasida 32-tur uchrashuvlari start oldi. Turning birinchi o‘yinida Londonning “Chelsi” safarda “Aston Villa”ni mag‘lub etdi.
Gus Xiddink boshchilik qilayotgan London klubi birinchi bo‘limda ikkita gol urishga muvaffaq bo‘ldi. Avvaliga Ruben Loftus-Chik “Chelsi” safidagi debyut golini kiritdi. Yanvarda 20 yoshga to‘lgan futbolchi shu kuni “Chelsi” safidagi 8-uchrashuvini o‘tkazdi.
Birinchi bo‘lim so‘nggida “Chelsi”ning yangi a’zosi — Aleshandre Pato ilk uchrashuvdayoq gol urishga muvaffaq bo‘ldi. Ikkinchi bo‘limda Pedro Rodriges dubl qayd etib, jamoasining yirik hisobdagi g‘alabasini ta’minladi.
“Chelsi” 31 ta o‘yinda 44 ochko bilan 9-o‘rinni egallab turibdi. “Aston Villa” 32 ta o‘yinda 16 ochko jamg‘arib, 20 jamoa orasida so‘nggi o‘rinni band etgan.
Angliya Premyer-ligasi 32-tur uchrashuvi 2-aprel, shanba
“Aston Villa” — “Chelsi” 0:4
Gollar: Ruben Loftus-Chik, 26 (0:1). Aleshandre Pato, 45+2-pen (0:2). Pedro Rodriges, 46 (0:3). Pedro Rodriges, 59 (0:4).Chetlatish: Alan Xatton, 85 (A).“Chelsi”: Tibo Kurtua, Sesar Aspilikueta, Abdul Baba, Branislav Ivanovich, Mettyu Miazga, Jon Obi Mikel, Sesk Fabregas, Ruben Loftus-Chik, Robert Kenedi (Oskar, 46), Pedro Rodriges (Jeyk Klark-Salter, 74), Loik Remi (Aleshandre Pato, 23).
32-tur uchrashuvlari 2-aprel, shanba“Vest Xem” — “Kristal Pelas”“Bornmut” — “Manchester Siti”“Norvich” — “Nyukasl”“Stok Siti” — “Suonsi”“Arsenal” — “Uotford”“Sandrlend” — “Vest Bromvich”“Liverpul” — “Tottenhem”
3-aprel, yakshanba“Lester” — “Sauthempton”“Manchester Yunayted” — “Everton”
Izoh (0)