Kim Chen In uzoqqa otadigan artilleriyaning front yonidagi joylarda o‘tkazilgan keng ko‘lamli mashg‘ulotlariga rahbarlik qildi, deb yozadi “TASS”.
Koreya markaziy telegraf agentligi xabariga ko‘ra, harbiy mashqlar Koreya xalq armiyasi qismlarining “Pak Kin Xe rahbarligidagi janubiy koreyalik xoinlar qo‘rg‘oni — Seulni ularning provokatsion harakatlariga javoban, olov dengiziga aylantirish”ga tayyorligidan dalolat beradi.
Kim Chen In turli kalibrdagi 100 dan ortiq qurol-yarog‘ ishtirokida o‘tkazilgan mashqlar natijasidan qoniqdi. Oliy bosh qo‘mondon artilleriyachilarni maqtadi, “mashg‘ulotlarni jadalroq o‘tkazish va, tegishli buyruq tushishi bilan, Seulning reaksiya obyektlariga shafqatsiz zarbalar berishga tayyor turishni buyurdi”.
Izoh (0)