Futbol bo‘yicha Yevropa Chempionlar Ligasining nimchorak final javob uchrashuvida Germaniyaning “Bavariya” klubi “Yuventus”ni qo‘shimcha vaqtda mag‘lub etdi. 16-mart, chorshanba kuni Myunxenda bo‘lgan uchrashuvning birinchi bo‘limida “Yuventus” Pogba va Kuadradoning gollari evaziga 2:0 hisobida oldinga chiqib oldi.
Turinda o‘tgan birinchi o‘yinda bo‘lgani kabi, ikkinchi 45 daqiqalikda mezbonlar ikkita gol urib, muvozanatni tikladi — 73-daqiqada Levandovski hisobni qisqartirgan bo‘lsa, hakam tomonidan asosiy vaqtga qo‘shib berilgan daqiqalarda Tomas Myuller “Bavariya”ni mag‘lubiyatdan qutqarib qoldi.
“Bavariya” va “Yuventus” o‘rtasidagi har ikki o‘yinning asosiy vaqtlari 2:2 hisobi bilan yakuniga yetgani sabab, chorak final yo‘llanmasi egasini aniqlash uchun qo‘shimcha taymlarga murojaat etildi. Unda Myunxen klubi yana ikkita gol urishga erishdi — zaxiradan maydonga tushgan Alkantara va Komanning gollari “Bavariya”ni chorak finalning so‘nggi ishtirokchisiga aylantirdi.
Yevropa Chempionlar Ligasi Nimchorak final, javob uchrashuvi 16-mart, chorshanba“Bavariya” (Germaniya) — “Yuventus” (Italiya) 4:2 (0:2, 2:2, 0:0, 2:0)
Gollar: Pol Pobga, 5 (0:1). Xuan Kuadrado, 28 (0:2). Robert Levandovski, 73 (1:2). Tomas Myuller, 90+1 (2:2). Tyago Alkantara, 108 (3:2). Kingsli Koman, 110 (4:2).Ogohlantirishlar: Sami Xedira, 29 (Yu). Alvaro Morata, 38 (Yu). Joshua Kimmih, 43 (B). Shtefan Lixtshtayner, 48 (Yu). Arturo Vidal, 48 (B). Robert Levandovski, 51 (B). Leonardo Bonuchchi, 53 (Yu). Xuan Kuadrado, 71 (Yu). Roberto Pereyra, 103 (Yu). Tyago Alkantara, 109 (B). Xuan Bernat, 112 (B). Stefano Sturaro, 112 (Yu).“Bavariya”: 1. Manuel Noyer, 5. Mehdi Benatia (18. Xuan Bernat, 46), 7. Frank Riberi (6. Tyago Alkantara, 101), 9. Robert Levandovski, 11. Duglas Kosta, 14. Xabi Alonso (29. Kingsli Koman, 60), 21. Filipp Lam, 23. Arturo Vidal, 25. Tomas Myuller, 27. David Alaba, 32. Joshua Kimmih.
“Yuventus”: 1. Janluidji Buffon, 6. Sami Xedira (27. Stefano Sturaro, 68), 9. Alvaro Morata (17. Mario Manjukich, 72), 10. Pol Pogba, 11. Ernanes, 12. Aleks Sandro, 15. Andrea Barsali, 16. Xuan Kuadrado (37. Roberto Pereyra, 89), 19. Leonardo Bonuchchi, 26. Shtefan Lixtshtayner, 33. Patris Evra.
Izoh (0)