Ispaniya chempionati 28-turida “Barselona” jamoasi safarda “Eybar” mehmoni bo‘lib, 4:0 hisobida zafar quchdi. G‘alabadan so‘ng kataloniyaliklarning Ispaniya chempionatida ketma-ket erishilgan g‘alabalari soni 11 taga, mag‘lubiyatsiz o‘yinlari esa 21 taga yetdi, deb xabar beradi “TASS”.
“Barselona” navbatdagi muvaffaqiyatdan so‘ng ochkolari sonini 72 taga yetkazib, ikkinchi o‘rinda borayotgan “Atletiko”dan 8, uchinchi o‘rinni egallab turgan “Real”dan 12 ochkoga o‘zib ketdi.
Qayd etish joiz, so‘nggi bor Luis Enrike jamoasi 2015-yilning 3-oktabr kuni “Sevilya”ga 1:2 hisobida imkoniyatni boy bergandi.
Izoh (0)