AQSh prezidentligiga nomzodlardan biri Hillari Klinton, agar bu lavozimga saylansa, noma’lum uchar jismlar (NUJ) haqidagi hujjatlarni oshkor qilishga va’da berdi. Bu haqda uning saylovoldi shtabi rahbari Jon Podestaga asoslanib, TJournal xabar bermoqda.
2015-yilning dekabrida Klinton xonim NUJ bilan bog‘liq sirlarning oxiriga yetib borishni niyat qilganini tan olgan edi. CNN telekanali bu so‘zlarni hazilga yo‘ygandi, lekin Podesta intervyulardan birida masala jiddiy muhokama qilinganini e’tirof etdi.
Hillari Klintonning raqibi Berni Sanders, bu yangilikka munosabat bildirarkan, unga NUJ bilan bog‘liq fitnalar nazariyasi emas, amerikaliklarning asl muammolari qiziqligini ta’kidlab o‘tdi.
Izoh (0)