Amerika OAVlari Respublikachilar partiyasidan milliarder Donald Trampning Nevada shtatidagi partiya faollarining ovoz berishida g‘alaba qozonganligini ma’lum qildi. Bu haqda Fox News va CNN ma’lumotlariga tayanib, “Gazeta.ru” xabar beradi.
Avvalroq Hillari Klinton Demokratlar partiyasining Nevada shtatida bo‘lib o‘tgan kokusida (yopiq partiya yig‘ini) nufuzi ortib borayotgan raqibi — senator Berni Sanders ustidan g‘alaba qozonganligi haqida ma’lum qilingan edi.
Kokusdagi ovozlarning 80 foizdan ziyodi hisoblab chiqilgan bo‘lib, Klintonning natijasi 52,1, Sandersniki esa 47,8 foizni tashkil etgan.
Izoh (0)