Toshkentdagi “Lokomotiv” stadionida OChL–2016 musobaqasining “A” guruhi 1-turidan o‘rin olgan O‘zbekistonning “Lokomotiv” va Saudiya Arabistonining “Al-Ittihod” klublari o‘rtasidagi uchrashuv o‘z nihoyasiga yetdi. Unda 1:1 hisobi qayd etildi, deya xabar beradi “Uff.uz”.
Uchrashuvning 34-daqiqasida mehmonlar a’zosi Gelmin Rivas hisobni ochgan bo‘lsa, 89-daqiqada Sardor Mirzayev hisobni tenglashtirib, “temiryo‘lchilar”ni mag‘lubiyatdan qutqarib qoldi.
Qayd etish kerakki, o‘yinning 90-daqiqasida mezbonlar yarim himoyachisi Jasur Hasanov va “Al-Ittihod” a’zosi Fahad Al-Muvallad qizil kartochka olib, maydondan chetlatildi.
“A” guruhining 1-turidagi ikkinchi o‘yinda Eronning “Sepaxon” jamoasi BAAning “An-Nasr” klubiga qarshi bahs olib boradi. Mazkur uchrashuv bugun, 23-fevral kuni Toshkent vaqti bilan 20:00 da start oladi.
OChL – 2016. “A” guruhi, 1-tur
“Lokomotiv” (O‘zbekiston) — “Al-Ittihod” (Saudiya Arabistoni) — 1:1 (0:1)
Gollar: Sardor Mirzayev (89) — Gelmin Rivas (34).“Lokomotiv”: Ignatiy Nesterov, Nemanya Yanichich, Islom To‘xtaxo‘jayev, Sherzod Fayziyev, Oleg Zoteyev, Sardor Mirzayev, Kaxi Maxaradze, Server Jeparov (Quvondiq Ro‘ziyev, 75), Temur Kapadze (Jasur Hasanov, 69), Sanjar Shoahmedov, Temurxo‘ja Abduxoliqov (Marat Bikmayev, 65).
“Al-Ittihod”: Assaf Al Qarni, Ahmad Asiriy, Majid Al-Xaybariy, Ziyod Al-Sahafiy, Salli Muntari (Qusay Al-Xaybari, 63), Lusian Sanmartin (Ahmed Al-Nazira 90+3), Avad Xris, Abdulfattoh Asiriy (Abdulrahmon Al Gamdi, 70), Jamol Bajandu, Gelmin Rivas, Fahad Al-Muvallad.
Ogohlantirishlar: Ziyod Al-Sahafiy (57), Abdulrahmon Al Gamdi (88).
Chetlatishlar: Jasur Hasanov (90), Fahad Al-Muvallad (90).
Izoh (0)