AQSh Norvegiyada sovuq urush yillaridan qolgan g‘orlarga tanklari va artilleriyasini joylashtirmoqda. Bu haqda CNN telekanaliga tayangan holda “Yevropeyskaya pravda” yozmoqda.
2-dengiz ekspeditsiya brigadasi favqulodda vakili polkovnik Uilyam Bentlining so‘zlariga qaraganda, Norvegiyada joylashtirilayotgan kuchlar Yevropada inqiroz yuzaga kelgan taqdirda tezkor harakat qilish imkoniyatini beradi, shuningdek, transport xarajatlarini ancha qisqartiradi.
G‘orlar Norvegiyaning markaziy qismida joylashgan. AQSh 1981-yildan e’tiboran NATO kuchlarini Sobiq Ittifoqqa qarshi qo‘llab-quvvatlash maqsadida u yerda qurol saqlay boshlagan.
Sovuq urush tugagach, AQSh tog‘lar ichidagi kompleksni moliyalashtirishni to‘xtatgan edi.
Izoh (0)