Qo‘yliqda joylashgan Toshkent ulgurji oziq-ovqat bozori 2016-yil oxiriga qadar yangi usti yopiq binolar majmuasiga ko‘chirilishi rejalashtirilmoqda. Bu haqda “Turkiston-press” axborot agentligiga tayangan holda “Gazeta.uz” sayti xabar bermoqda.
“Toshbozorsavdo” uyushmasi rahbari Sohibjon Ne’matullayev bergan ma’lumotga qaraganda, yangi majmua loyihasi tayyorlangan bo‘lib, unda, jumladan, Toshkentga boshqa hududlaridan qishloq xo‘jaligi mahsulotlarini keltiruvchi savdogarlar uchun mehmonxona qurish ko‘zda tutilgan. Bugun bozor ochiq osmon ostida faoliyat yuritmoqda, ammo yangi majmuadagi barcha do‘konlar usti yopiq bino ichida joylashtiriladi.
“Toshbozorsavdo” uyushmasi o‘z ichiga 12 dehqon bozori, 1 ta qishloq xo‘jaligi mahsulotlari ulgurji savdosi bozori, 2 ixtisoslashtirilgan bozor va 6 savdo majmuasini o‘z ichiga oladi. Bu obyektlar egallab turgan umumiy maydon 140 gektarga teng. Ularning daromadi o‘tgan yili 10,3 milliard so‘mni tashkil qildi.
Izoh (0)