Futzal bo‘yicha Toshkentda davom etayotgan Osiyo chempionatining chorak finalidagi O‘zbekiston va Iroq o‘rtasidagi o‘yin yakunlandi.
Uchrashuvda o‘zbekistonlik futzalchilar 3:0 hisobida g‘alaba qozondi. O‘zbekiston safidan Dilshod Rahmatov dublga erishgan bo‘lsa, Nodir Eliboyev yana bir golga mualliflik qildi. Ushbu g‘alabadan keyin O‘zbekiston futzal termasi Osiyo chempionatining yarim finali va eng muhimi Kolumbiyada o‘tkaziladigan futzal bo‘yicha jahon chempionatining yo‘llanmasiga ega bo‘ldi.
O‘zbekiston futzal termasi tarixda birinchi marta jahon chempionatida ishtirok etadi.
Ushbu muvaffaqiyat bilan futzal bo‘yicha O‘zbekiston termasining barcha muxlislarini muborakbod etamiz.
Futzal bo‘yicha Osiyo chempionati. 1/4 final
O‘zbekiston – Iroq – 3:0 (1:0).
Gollar: Dilshod Rahmatov (18, 39), Nodir Eliboyev (31).
Izoh (0)