Anqara Suriyada Turkiya hududida turib quruqlikdagi yirik operatsiyani amalga oshirish rejalashtirilayotgani haqidagi xabarlarni rad etdi, deb yozadi “Interfaks” Turkiya OAVlariga tayanib.
“Harbiy operatsiyaga jalb qilinadigan 150 ming harbiy xizmatchi Turkiya hududi orqali o‘tishi haqida ba’zi OAVlar tarqatgan ma’lumotlar haqiqatga to‘g‘ri kelmaydi”, — dedi Turkiya hukumatidagi manbalar.
Manbalar, shu bilan birga, “Turkiya koalitsiya kuchlarining IShIDga qarshi operatsiyasi uchun ochiq”ligini ma’lum qildi.
Nashr eslatishicha, avvalroq Ar-Riyod va uning arab davlatlaridan iborat ittifoqdoshlari IShIDga qarshi 150 ming harbiy xizmatchi ishtirokida ehtimoliy operatsiyaga tayyorgarlik ko‘rayotgani va bunday operatsiya Turkiya bilan hamkorlikda amalga oshirilishi xabar berilgan edi.
Izoh (0)