Ferrari’ning noyob modeli Parijdagi kimoshdi savdosida 32 million yevroga sotildi. Agar aynan ushbu valyutada hisoblansa, u dunyodagi eng qimmatbaho avtomobildir. Bu haqda Sky News ma’lumotiga tayanib, “Interfaks” xabar beradi.
1957-yilda ishlab chiqarilgan ushbu avtomashinani AQShlik nomi oshkor etilmagan xaridor sotib oldi. 335 Spider Scaglietti modeli hammasi bo‘lib to‘rt nusxada chiqarilgan edi.
Ushbu mashinani boshqargan britaniyalik afsonaviy Stirling Moss 1958-yilda “Formula-1” Gran-prisining Kubadagi bosqichida g‘alaba qozongan edi.
Kimoshdi savdosida avtosportdagi eng afsonaviy mashina uchun boshlang‘ich qiymat 20 million yevro etib belgilandi. U 1970-yilda fransuz poygachisi va kolleksiyachisi Pyer Bardinon tomonidan sotib olingan bo‘lib, shundan buyon oilaviy garajda saqlanib kelingandi.
Izoh (0)