Matiz Rossiyadagi eng arzon avtomobillar reytingida peshqadamlikni saqlab qoldi

GM Uzbekistan’ning Matiz avtomobili Rossiya bozoridagi eng arzon avtomobillar reytingida yanvar oyida ham peshqadamlikni saqlab qoldi. Bu haqda “Rossiyskaya gazeta” xabar bermoqda.

Rossiyada Matiz’ning eng arzon modifikatsiyasi 314 ming rubl (23-yanvar holatiga ko‘ra, taxminan 4 ming dollar)dan sotilmoqda. Reytingdan o‘rin olgan qolgan to‘qqiz avtomobilning oltitasi Xitoy avtozavodlari (Lifan, Geely, Chery) mahsulotlaridir.

1. Matiz — 314 ming rubl;
2. Lifan Smily — 319 ming rubl;
3. Lifan Smily New — 364,9 ming rubl;
4. Lifan Celliya — 364,9 ming rubl;
5. Lada Granta sedani — 368,9 ming rubl;
6. Lada Granta liftbeki — 388,5 ming rubl;
7. Geely GC6 — 389 ming rubl;
8. Chery Bonus (ZAZ Forza sedan) — 389,9 ming rubl;
9. Renault Sandero — 399 ming rubl;
10. Chery Very (ZAZ Forza xetchbek) — 399,9 ming rubl.