Ism-shariflari oshkor etilmayotgan eng yaxshi tennischilar kelishilgan o‘yinlarda ishtirok etganligi ma’lum qilinmoqda. Bundan tashqari, ushbu tennischilardan ba’zilari bugungi kunda Australian Open’da “Katta dubulg‘a” musobaqalarining birinchi turnirida ishtirok etmoqda. Bu haqda “MK.ru” xabar beradi.
Manbalarda ta’kidlanishicha, bu ishlarga dunyo reytingiga kiritilgan 50 tennischidan 16 nafari aralashgan bo‘lib, kelishilgan matchlar o‘n yil davomida o‘tkazib kelingan. Ushbu vaziyatdan oliy martabali organlar xabardor bo‘lgani holda, bunga hech qanday to‘sqinlik qilmagan.
Qoidabuzarlar orasida “Katta dubulg‘a” turnirining g‘oliblari ham borligi ma’lum qilinmoqda, ulardan sakkiz nafari esa shu kunlarda Avstraliya Ochiq chempionati boshlangan Melburndagi musobaqalarda ishtirok etadi.
18-yanvar kuni ma’lum bo‘lishicha, Novak Jokovichga 2007-yilda Sankt-Peterburgda bo‘lib o‘tgan turnirda 200 ming dollar evaziga matchda mag‘lub bo‘lish taklifi bildirilgan. Bu haqda serbiyalik tennischining o‘zi ma’lum qilgan.
Izoh (0)