14-yanvar, payshanba kuni Toshkent shahrida navbatdagi yerosti silkinishlari sezildi.
Zilzila Toshkent vaqti bilan 08:24 da yuz berdi.
“Gazeta.uz”ning “Toshkent” markaziy seysmostansiyaga asoslanib xabar berishicha, zilzila epitsentri Toshkent shahridan 15 kilometr shimolda, Qozog‘iston bilan chegaradosh hududda bo‘lgan.
Zilzila epitsentrida magnituda 3,5 ga teng bo‘lgan. Toshkent aholisi vertikal silkinishni his qilgan — bu zilzila epitsentri yaqinligidan dalolat.
O‘zbekiston raqamli seysmik tarmog‘i ma’lumotlariga ko‘ra, Toshkentdagi silkinishlar intensivligi 3 ballni tashkil etgan.
Eslatib o‘tamiz, Toshkent hududida 13-yanvar kuni Afg‘onistonda yuz bergan zilzila sezilgan edi.
Izoh (0)