Indoneziya poytaxti Jakartada 14-yanvar, payshanba kuni yuz bergan portlashlar oqibatida kamida yetti kishi halok bo‘ldi. Bu haqda “RIA Novosti” xabar beradi.
Jakarta politsiyasi vakillarining ma’lum qilishicha, halok bo‘lgan yetti kishidan to‘rt nafari bosqinchidir.
Eslatib o‘tamiz, Indoneziya poytaxti markazida bir qator portlashlar sodir bo‘ldi, shaharda otishma ovozi eshitildi. Politsiyaning ma’lumotiga qaraganda, shaharda oltita portlash sodir bo‘lgan. Mamlakat prezidenti portlashlarni terakt deb atadi. Portlashlar arafasida IShID tomonidan Jakarta politsiyasiga tahdid qilinganligi ma’lum bo‘ldi.
Izoh (0)