Uendell Liraning “Atletiko-GO” darvozasiga kiritgan to‘pi “Yil goli” deb tan olindi (video)

Braziliyaning “Goyanesia” futbol klubi sobiq hujumchisi Uendell Liraning Braziliya birinchiligi doirasida “Atletiko-GO” darvozasiga urgan goli muxlislar tomonidan “Yil goli” deb topildi va FIFA tomonidan Ferents Pushkash mukofoti bilan taqdirlandi.

2015-yilning eng chiroyli goli

Uendell Lira mazkur golni 2015-yil 11-martida, jamoasining ajoyib va takrorlanmas hujumidan so‘ng, qaychi uslubida kiritgan. “Vikipediya” ma’lumotlariga ko‘ra, mazkur golni urganidan so‘ng, 27 yoshli hujumchi ikki marta jamoasini o‘zgartirishga ham ulgurgan.

“Yil goli” maqomiga, Liraning golidan tashqari, Lionel Messining “Atletik Bilbao” darvozasiga va Rimning “Roma” klubi himoyachisi Alessadro Florensining “Barselona” darvozasiga urgan gollari ham da’vogarlik qilgandi.

FIFA matbuot xizmati axborotiga ko‘ra, ovoz berish jarayonida 1,6 milliondan ortiq ishqiboz qatnashgan. Ishtirokchilarning 46,7 foizi Liraning goliga, 33,3 foizi Messining, 7,1 foizi Florensining goliga ovoz bergan.

Lionel Messining “Atletik Bilbao”ga urgan goli

Alessandro Florensining “Barselona”ga urgan goli

• Pogba, Inyesta, Neymar, Messi va Ronaldu FIFAning yil ramziy terma jamoasidan o‘rin oldi

• “Barselona” ustozi Luis Enrike FIFA tomonidan yil murabbiyi deb topildi

• Qochoqlarni qo‘llab-quvvatlagan futbol uyushmalari va klublari FIFAning Fair Play mukofoti bilan taqdirlandi