KXDR Janubiy Koreyaga qanotli raketalar va yadro kallaklariga ega B-52 strategik bombardimonchi samolyotlari joylashtirilishi munosabati bilan, AQShning yadroviy dahshatiga yadro bilan javob qaytarishini aytib tahdid qildi. Bu haqda “RIA Novosti” xabar bermoqda.
KXDR 6-yanvar kuni AQSh tomonidan yo‘q qilish tahdididan himoyalanish uchun vodorod bombasini sinovdan o‘tkazganini e’lon qilgan edi. Bunga javoban, AQSh Janubiy Koreyaga strategik qurol-yarog‘larni joylashtira boshladi.
KXDRning markaziy “Nodon sinmun” gazetasida “Atomga atom bilan javob qilamiz” nomi ostidagi maqolada AQShning Koreyaga nisbatan siyosati qoralandi. Unda yozilishicha, AQSh Koreya bilan tarixiy nizodan xulosa chiqarishi kerak. “Biz, baxtimizga, Koreya-Amerika urushida g‘alaba qozonganmiz”, — deyiladi maqolada.
Izoh (0)