“Real” prezidenti Florentino Peres maxsus matbuot anjumanida jamoa bosh murabbiyi Rafael Benites iste’foga chiqarilganini e’lon qildi. Shu kungacha madridliklarning ikkinchi jamoasini boshqarib kelayotgan Zinedin Zidan “qaymoqranglilar” bosh murabbiyi etib tayinlandi, deb xabar qiladi “Chempionat”.
“Klub rahbariyati Benitesning iste’fosi bo‘yicha murakkab qarorni qabul qildi. Zidan yangi bosh murabbiy etib tayinlandi. Va men faxr bilan aytamanki, uning uchun ‘imkonsiz’ so‘zi yo‘q”, — dedi Peres.
Benites “Real”ni 2015-yilning iyunida qabul qilib olgandi. Matbuotda darhol mutaxassisning futbolchilar bilan kelisha olmayotgani haqida xabarlar chiqdi, ammo klub bu gap-so‘zlarni rad etdi. Uning iste’fosiga asosiy sabab jiddiy raqiblarga qarshi o‘yinlardagi salbiy natijalar bo‘ldi: madridliklar “Sevilya”, “Barselona” va “Vilyarreal”ga imkoniyatni boy berdi, “Atletiko” va “Valensiya” bilan durang o‘ynadi.
Izoh (0)