Germaniya Federativ Respublikasi kansleri Angela Merkel “Frans Press” versiyasi bo‘yicha 2015-yilning eng nufuzli kishisi bo‘ldi, Rossiya prezidenti Putin reytingda ikkinchi o‘rinni egalladi, deb yozadi “RIA Novosti”.
Agentlik jurnalistlari Merkelni Yevroittifoqdagi muhojirlik inqirozini va Gretsiya davlat qarzi masalasini hal etishdagi xizmatlari uchun o‘tayotgan yilning eng ta’siri kuchli kishisi sifatida tanlagan.
“Frans Press” agentligi jurnalistlari fikricha, 2015-yilda dunyodagi voqealarning borishiga eng katta ta’sir o‘tkazgan odamlar ro‘yxatida Putin ikkinchi o‘rinni egalladi, 2014-yilda u reytingda yetakchilik qilgan edi.
Ushbu reytingda uchinchi o‘rinni Rim papasi Fransisk, keyingi pog‘onalarni parijliklar, IShID yetakchisi Abu Bakr al-Bag‘dodiy band qildi.
Eslatib o‘tamiz, Time va Financial Times jurnallari ham Merkelni yil odami deb e’lon qilgan edi.
Izoh (0)