AQShning janubi-sharqida yuz bergan ob-havoning yomonlashuvi oqibatida qurbon bo‘lganlar soni 18 kishiga yetdi. Bu haqda Associated Press bergan ma’lumotlar asosida “Interfaks” xabar qilmoqda.
Ta’kidlanishicha, so‘nggi kunlarda jarohat olganlar soni 56 kishiga yetib, dastlabki ma’lumotlarga ko‘ra 241 ta uy zarar ko‘rgan.
Janubi-sharqda joylashgan shtatlarda e’lon qilingan bo‘ron tahdidi bo‘yicha ogohlantirish 27-dekabr, yakshanba kuni ham amalda bo‘ladi.
Oldinroq AQShning Missisipi, Tennessi va Arkanzas shtatlarida bo‘lib o‘tgan po‘rtana va tornadolar oqibatida 14 kishi qurbon bo‘lgani xabar qilingandi.
Izoh (0)