AQShning Missisipi, Tennessi va Arkanzas shtatlarida bo‘lib o‘tgan po‘rtana va tornadolar oqibatida qurbon bo‘lganlar soni 14 kishiga yetib, bir necha o‘nlab kishi jarohat oldi. Bu haqda mahalliy hukumat vakillari bergan ma’lumotlarga asosan “TASS” xabar qilmoqda.
Missisipida yetti kishining, shu jumladan, 7 yoshli bolaning, Tennessida olti kishining va Arkanzasda yana bir kishining halok bo‘lganligi tasdiqlandi. Jarohat olganlarning ayrimlari og‘ir ahvolda bo‘lib, ularning soniga aniqlik kiritilmoqda. Bir kishi bedarak yo‘qolgan. Yuzlab uylar zarar ko‘rib, ayrimlari butunlay buzilib ketgan.
Missisipi hududida so‘nggi kunlarda 14 ta quyun yuzaga kelganligi kuzatildi.
Eslatib o‘tamiz, AQShning janubi-sharqiy hududlaridagi shtatlarida yuzaga kelgan po‘rtanalar oqibatida qurbon bo‘lganlar soni olti kishiga yetgan edi.
Izoh (0)