“Yulduzlar jangi: Kuchning uyg‘onishi” filmi prokatning birinchi uik-endidagi yig‘imlar bo‘yicha jahon rekordini o‘rnatdi va avvalgi rekordchi “Yura davri olami”ni 3 million dollarga ortda qoldirdi, deb xabar qiladi “RBK”.
The Walt Disney kompaniyasi prezidenti Robert Ayger birinchi uik-endda “Yulduzlar jangi”ning yangi epizodi 528 million dollar ishlaganini ma’lum qildi. Universal Pictures kompaniyasi ishlab chiqargan “Yura davri olami” filmi dastlabki uik-endda 524,9 million dollar yig‘ishga muvaffaq bo‘lgan edi.
Ayger yig‘imlar kompaniya kutganidan ko‘proq bo‘layotganini aytdi va filmning namoyishi hozircha Xitoyda boshlanmaganini eslatib o‘tdi.
Tahlilchi Benjamin Suinbern Disney kompaniyasi “Yulduzlar jangi”ning yettinchi epizodidan taxminan 1,35 milliard dollar ishlab olishi mumkinligini aytdi.
“Yulduzlar jangi: Kuchning uyg‘onishi” filmining premyerasi 17-dekabr kuni bo‘lib o‘tdi. Filmning Xitoydagi premyerasi 2016-yil 9-yanvarga mo‘ljallangan.
Hozirgacha “Yulduzlar jangi”ning eng kassabop epizodi 1999-yilda ekranlarga chiqqan “Yashirin xatar” filmi edi, u prokat davomida 1 milliard dollar atrofida pul yiqqan.
Izoh (0)