Ijtimoiy tarmoqlarda xonanda Kanizaning konserti kuni sahnada turmushga chiqishi haqida xabarlar tarqaldi. “Darakchi.uz” bunga oydinlik kiritish maqsadida Kaniza bilan bog‘langanini ma’lum qildi.
“Bir daqiqa dam olish yo‘q. Konsertimda to‘yim bo‘lgani uchun maxsus yor-yor qo‘shig‘i ham tayyorlamoqdaman. Xalq oldida turmushga chiqaman, shuning uchun ham konsert bir kun bo‘ladi. Bu reklama va piar emas, bu qarorga aniq keldik va bemalol rasman e’lon qila olaman, — deya ta’kidlagan xonanda. — Konsert kunini hozircha sir saqlashim kerak, chunki bu sanada nafaqat to‘yim, balki ijodimga 10 yil to‘ladi. Yana bir muhim sana shu kun bilan bog‘liq, uni konsert kunim rasman e’lon bo‘lganida aytaman. Uch muhim sana bir kunda bo‘ladi. Turmush o‘rtog‘im shu kuni meni sahnadan uyiga olib ketadi”.
Izoh (0)