Burundida Afrika tinchlikparvar kuchlarini joylashtirish uchun bir-ikki hafta talab etiladi. Bu haqda JAR mudofaa milliy kuchlari hamkorlikdagi operatsiyalar qo‘mondoni Derrik Mgvebi ma’lum qildi, deya xabar beradi “TASS”.
“Mojaro hududida kuchlarni joylashtirish haqidagi buyruq berilganidan so‘ng 7—14 kun mobaynida baza faoliyati yo‘lga qo‘yiladi. U yerga keyinchalik tinchlikparvar operatsiyada ishtirok etishni istagan boshqa mamlakatlar harbiylari keladi”, — deya ta’kidlagan Mgvebi. Oldinroq Afrika ittifoqi tinchlik va xavfsizlik kengashi Burundida avj olgan mojaroga barham berish uchun mamlakatda 5 ming nafar harbiy joylashtirishga qaror qilgandi.
Eslatib o‘tamiz, Burundida mamlakat prezidenti Per Nkurunziza uchinchi muddatga saylanish rejasini e’lon qilganidan beri tartibsizliklar davom etmoqda.
Izoh (0)