Gollandiyalik mutaxassis Gus Xiddink “Chelsi”ni mavsumning oxirigacha boshqaradigan bo‘ldi. Bu haqda The Telegraph bergan ma’lumotlarga asosan “Chempionat” xabar qilmoqda.
Ma’lum qilinishicha, 69 yoshli Xiddink, 19-dekabr, shanba kuni mehmon bo‘lib keladigan “Sanderlend” bilan o‘yinga tushadigan jamoa bilan ertaning o‘zidayoq mashg‘ulot o‘tkazadi.
Xiddink “Chelsi”ga 2008-2009-yildagi mavsumda Luis Felipe Skolaridan keyin murabbiylik qilgan bo‘lib, uning boshchiligida jamoa Angliya kubogini qo‘lga kiritgan.
Rossiyaning sobiq bosh murabbiyi, Premyer-ligada 87 ta yutuq hisobi bilan “Chelsi”ning eng muvaffaqiyatli murabbiyi deb tan olingan.
2015-yil iyun oyida, Gus Xiddink Gollandiya Qirollik futbol ittifoqi bilan shartnomani bekor qildi va mamlakat terma jamoasi bosh murabbiyligidan iste’fo bergan.
Eslatib o‘tamiz, Londonning “Chelsi” futbol klubi bosh murabbiyi Joze Mourinyo iste’foga chiqarilgan edi.
Izoh (0)