Rossiyaning Voronej viloyatidagi psixonevrologik internatda yuz bergan yong‘in oqibatida 21 kishi halok bo‘lgan, yana ikki kishining taqdiri noma’lum. Bu haqda viloyat favqulodda vaziyatlar boshqarmasi manbalariga tayanib, “Interfaks” xabar bermoqda.
“13-dekabr, yakshanba kuni tongdagi ma’lumotlarga ko‘ra, 21 kishi halok bo‘lgan, ikki kishi bedarak yo‘qolgan. 53 kishi qutqarib qolingan, ulardan 23 nafari Voronej viloyati kasalxonalariga yotqizilgan, ularning hayoti xavf ostida emas. 24 kishi esa boshqa psixonevrologik internatga ko‘chirilgan”, — deya ma’lum qilgan Voronej favqulodda vaziyatlar boshqarmasi boshlig‘i Igor Kobzev.
Eslatib o‘tamiz, oldinroq internatdagi yong‘inda 7 kishi qurbon bo‘lgani xabar qilingandi.
Izoh (0)